Nekazaritza ustiategientzako laguntzak atera ditu Foru Aldundiak

Gipuzkoako Foru Aldundiak gaur argitaratu du boletinean, Gipuzkoako Lurralde Historikoan nekazaritza ustiategien aldeko diru laguntzen Foru Dekretua. Dekretu horren bitartez bi laguntza mota ematen dira:

• Nekazaritza ustiategietan inbertsioak egiteko laguntzak. Inbertsioak mota hauetakoak izan daitezke:
  • Nekazaritza eta abeltzaindako eraikinak eta instalazioak eraiki, eskuratu edo hobetzeko.
  • Nekazaritza makineria lehen aldiz erostea.
  • Baratzezaintza eta lorezaintzarako instalazioak.
  • Fruta arbolak landatzea, sagardotarako sagarrondoak barne.
  • Teknikarien ordainsari gastuak.
  • Ustiategiko lurren etengabeko hobekuntzak.
  • Energia berriztagarria ekoizteko instalazioak.
  • Lursailak erostea.
• Nekazari gazteek enpresak sortzeko laguntzak
  • 18tik 40 urte artekoa izatea, biak barne
  • Gaztenek 2015-2020 prozeduran aurreikusitako baldintzetan onartzea instalazio prozesua
  • Enpresa plana aurkeztea
  • Lanbide ahalmen eta gaitasun egokiak izatea
  • Zerga eta Gizarte Segurantzako betebeharretan egunean egotea
  • Nekazaritza jardueratik eratorritako baliaezintasun absolutu edo osoko pentsiorik ez jasotzea

Eskoriatzako Udalak interesdun guztien esku jarri nahi du informazio hau, baliagarri zaionak erabili dezan.