Entrenamendu funtzionalerako makina berria

Manuel Muñoz kiroldegian entrenamendu funtzionalerako makina berria probatzeko aukera egongo da ekainean eta uztailean.

Axis 360 fit®/Rehab. entrenamendu funtzionalak egiteko makina da, egokia honako programetarako: errehabilitazioa, egoera patologikoak eta lesioak ekiditeko, eta horrelakorik izanez gero, funtzionalitatea berreskuratzeko; eta baita kirol errendimendua hobetzera edo gauza zehatzak lantzera zehazki zuzendutako programetarako ere.  Beraz, erabilera anitzeko entrenamendu makina da, erabiltzailearei zein kirolguneari, besteak beste, honako aukerak emango dizkiona:

1. Helburu anitz lantzea.
2. Entrenamendu funtzionalak egitea.
3. Zirkuitu funtzionalean entrenatzea.
4. Ohikoak ez diren erresistentziak erabiltzea, eta horrekin, entrenamendu era berriak.
5. Lesioak ekiditea.
6. Kirol errendimendua hobetzea.
7. Eguneroko ekintzetan errendimendua hobetzea.
8. Laneko errendimendua hobetzea.
9. Entrenamendu atseginak eta alaiak egitea.
10. Adin ezberdineko jendearekin egindako entrenamenduak.

Taldeak

Astero bi orduko ikastaroak prestatu ditugu ekainean eta uztailean, astearte eta ostegunetan, goizeko 9:30ean eta 10:30ean eta arratsaldeko 18:30ean eta 19:30ean. Taldea sortzeko beharrezkoa izango da 8 pertsonak izena ematea.

Izena ematea

Izena emateko azkeneko eguna ekainaren 3a izango da eta kiroldegian egin beharko da. Informazio gehiago:

• kiroldegia@eskoriatza.eus
• 943 71 53 28

2 saiotarako prezioa abonatuentzat 9 € eta abonatu ez direnentzat 11 €

Animatu, probatu entrenatzeko beste modu bat eta eman zure iritzia!