Gabonetako parkerako begiraleak behar dira

Datorren abenduaren 26an eta 27an Gabonetako parkea egingo da Eskoriatzan. Parkeko ordutegia, goizeko 11:00tik 13:00etara eta arratsaldeko 17:00etatik 20:00etara izango da.
Begiraleen egin beharrak; eskulan tailerrak antolatu, puzgarrietarako txandak eta zainketa antolatu, sarrerak saldu eta parkea garbi mantentzeaz arduratzea izango dira besteak beste.
Begirale izatea nahi duen gazte orok, bidali dezala kurrikuluma gazteria@eskoriatza.eus helbidera edo gerturatu dadila Eskoriatzako Kultur Etxera. Kurrikuluma entregatzeko azken eguna, abenduaren 13a izango da. Lehentasuna, Eskoriatzako gazteek izango dute.
Hona hemen baldintzak:

• Ezinbestekoa izango da euskaraz hitz egiten ondo jakitea
• 18 urte beteak izatea

Puntuazioa:

• Monitore titulua izatea 5 puntu
• Monitoretza titulua ikasten egotea 3 puntu
• Magisteritza ikasita edo ikasten egoteagatik 3 puntu
• Eskoriatzako udaleku irekietan begirale izateagatik urte bakoitzeko 1 puntu
• Gabonetako parkean begirale izateagatik urte bakoitzeko 2 puntu
• Udaleku itxietan egindako urte bakoitzeko 1 puntu