Maskarak erabiltzea derrigorrezkoa da

Maiatzaren 21etik aurrera, sei urtetik gorako herritarrek maskarak nahitaez erabili behar dituzte bide publikoan, aire zabaleko espazioetan, erabilera publikoko edozein espazio itxitan edo jendearentzat irekita dagoen edozein espaziotan, beti ere bi metroko tartea zaintzea ezinezkoa denean. Hala jasotzen du BOEn argitaratutako ministeritzaren Aginduak.

Nork erabili behar ditu maskarak?

Sei urtetik gorako pertsona orok derrigorrez, gainera Aginduak “hiru eta bost urte bitarteko haurrentzat gomendagarria” dela jasotzen du.

Ba al dago salbuespenik?

Bai, salbuespenak honako hauek dira: “Maskara erabiltzeagatik arnasa hartzeko zailtasunen bat duten pertsonak, eta osasun- edo desgaitasun-arrazoiengatik kontraindikatuta daudenak”. Hala, ez lirateke behartuta egongo asma, alergia, antsietatea, autismoaren espektroko nahasmenduak edo dementziak dituzten pertsonak, besteak beste.

Era berean, jarduera horiek erabiltzea ezin izango da eskatu beren izaeragatik bateraezinak diren jardueretan. Osasun Sailak “janariak eta edariak jatea” aipatu du adibide gisa. Ez da nahitaezkoa izango, ezta ere, ezinbesteko arrazoiren bat edo premia-egoeraren bat dagoenean.

Non da nahitaezkoa?

• Garraio publikoan
• Espazio publikoetan, itxietan zein irekietan, pertsonen arteko segurtasun-tartea gutxienez bi metrokoa izatea ezinezkoa denean.
• Lantokietan, langileen segurtasunaren alde

Ohiko zalantzak

• Eman diezaioket buelta maskarari? Inola ere ez da komeni hori egitea. Horrek ez du maskaren iraunkortasuna luzatuko, ezta eraginkortasuna ere.
• Segurua al da mikrouhin-labean garbitzea? Ez. Ez dago metodo horren bidezko higienizazioaren eraginkortasunari buruzko datu eztabaidaezinik. Beraz, ez da inolaz ere erabili behar. Gainera, maskarak sudurrera doitzeko metalezko tira bat ekar dezake, eta arriskutsua litzateke mikrouhin-labean sartzea.
• Zer gertatzen da etxean egindako maskarekin? Maskara horiek egiteko materialak eta metodoak askotarikoak dira. Gainera, baliteke egiaztapenen edo saiakuntzen kontrola pasatu ez izana. Beraz, ez da horren eraginkortasuna bermatzen.
• Haurrek helduen maskarak erabil ditzakete? Ez da gomendatzen 12 urtetik beherakoek helduentzako neurria duten maskara higienikoak erabiltzea. Hala ere, COVID-19ren ondoriozko positiboek, sintoma edo asintomatiko positiboak badituzte, helduentzako neurria duten maskara kirurgikoak erabiltzea lehenesten da.
• Zer gertatzen da neurri okerreko maskara bat erabiltzen bada? Behar bezala egokitzen ez bada, ez du izango behar duen eraginkortasuna. Garrantzitsua da sudurrera ondo egokitzea eta okotza estaltzea.
• UNE bermerik gabeko maskara higieniko batek babesten al nau? UNE espezifikazio bati erreferentzia ez egiteak ez du esan nahi COVID-19aren aurrean babesten ez duenik. Batzuek beste arau batzuk jarraitzen dituzte eta horrela agertzen da etiketan. Hala ere, maskara higieniko batek ez badu arau edo entseguei buruzko erreferentziarik, ezin du bermatu babes-maila.
• Garbitu al daitezke berrerabili ezin diren maskarak? Ez. Fabrikatzaileak maskara garbitzeko modukoa dela adierazten ez badu -eta, beraz, berrerabiltzeko-, ez garbitu. Ezin da bermatu bere ezaugarriei eutsiko dienik.
• Nola garbitzen dira maskara berrerabilgarriak? Fabrikatzaile bakoitzak garbitzeko jarraibideak azaltzen ditu. Gomendatutakoa ez den metodo bat erabiltzeak produktua hondatu dezake eta, beraz, eraginkortasuna gal dezake.