Martxoaren 29, 30 eta 31, udaberriko oporraldietako eskaintza

Martxoaren 29,30,31an, ludoteka eta gazteleku zerbitzuek ekintza bereziak antolatu dituzte Eskoriatzako haur eta nerabeei zuzenduta. Hona hemen:

Haurrei zuzendutako ekintza berezia

• Martxoaren 29,30,31n, haurrei zuzendutako ekintza berezia antolatu du Tortolis ludotekak.
• Baserria programan oinarritutako froga lehiaketa izango da. Parte hartzaileak gehienez sei pertsonako taldetan antolatuko dira.
• Martxoaren 29an, LH3koei zuzendutako eguna izango da. Martxoaren 30ean, LH4ko ikasleak direnei eta martxoaren 31an, LH5-LH6koen txanda izango da.
• Ekintza goizeko 10:00etan hasiko da plazan eta eguerdiko 13:00etan amaituko da.
• Haur bakoitzak egun bakarrean hartu ahalko du parte.
• COVID19a dela-eta, aforoa mugatuta egongo da.
• Izen ematea, martxoaren 15etik martxoaren 23ra arte egongo da zabalik, Tortolis ludotekan bertan, arratsaldeko 17:00tik 19:00ra. Prezioa 5€takoa izango da.

Nerabeei zuzendutako ekintza bereziak

Gazteleku zerbitzuak ere, 12-16 urte bitarteko nerabeei zuzendutako hainbat ekintza antolatu ditu martxoaren 29,30 eta 31rako.

Martxoak 29

• Hi Selphie lehiaketan oinarritutako frogak antolatu dituzte.
• Gehienez 6 pertsonako taldetan egingo dira frogak.
• Ekintza hau goizeko 11:00etatik aurrera jarriko da martxan.
• Talde bakoitzari ordutegi desberdin bat jarriko zaio.
• Izena ematea, gaztelekuan bertan egingo da, martxoaren 27an beranduenez.

Martxoak 30

Atxorrotxera irteera ilunabarra ikustera

•  Arratsaldeko 17:00etan irtengo dira Gaztelekutik, eta 20:30etan itzultzea aurreikusten da, beranduenez.
• Irteera honetan parte hartu nahi duten nerabeek ere gaztelekuan eman behar dute izena martxoaren 28an beranduenez.

Martxoak 31

Futbolin eta ping-pong txapelketa

• Izena ematea binaka egitea eskatzen da egunean bertan.