Martxoan Mendi Tour jaialdia izango dugu Eskoriatzan
2022 / 02 / 21
2016an lehen aldiz eskaini zenetik Eskoriatzan, hitzordu garrantzitsua izan da mendi eta natura zale guztientzat.
Aurten, Mendi Tourra martxoaren 11n eta 13an izango da. Bi egunotan Mendi Film Jaialdiaren azken jaialdiko mendi eta abentura filma onenak ikusteko aukera izango dugu.
Emanaldiak
Emanaldiak martxoaren 11n, ostirala, eta 13an, igandea, izango dira, 19:00etan, Zaldibar antzokian.
Martxoak 11
- Action Directe.- 2021eko MFko Sail Ofiziala (16´, V.O., AZPIT es/eu).
- Mendiak 1976 2021eko MFko Mendiko film onena/ikusleen saria (85´, V.O. es/pol/eus, AZPIT es/eu).
Martxoak 13
- Melting Landcapes Glaciares. 2021eko MF-ko film labur onena (8´).
- Amagana.– 2021eko MF-ko euskarazko film onena (14´).
- The Traverse.- 2021eko MF-ko epaimahaiaren saria (34´).
- Black Ice 2021eko MF-ko eskaladako film onena (45´).
CVCEPHOTO argazki erakusketa
Zaldibar antzokiaren sarreran Donostiako Club Vasco de Camping Elkarteak antolatutako CVCEPHOTO, mendi jardueren nazioarteko argazki lehiaketa, irabazi duten lan batzuk izango dira ikusgai. Argazkilari entzutetsuek egindako 20 argazki ikusgarriek modu txundigarrian erakutsiko digute mendia, natura eta bertan egiten diren jarduerak.
Erakusketa martxoaren 11tik 20ra egongo da zabalik.
Sarrerak
Sarrera 3 eurokoa izango da saio bakarrerako, eta, 5 eurokoa, bi saioetarako. Aurrez erosi ahal izango dira kiroldegian edo www.bibe.me helbidean martxoaren 1etik aurrera.
