Literatura solasaldiak liburutegian

Eskoriatzako liburutegiak solasaldi programa bat jarri du martxan. Solasaldiak euskaraz zein gaztelaniaz izango dira, eta 2015eko otsailean hasiko dira.

Literatura gustuko baduzu eta zure zaletasun bera dutenekin elkartu gura, ez galdu Eskoriatzako liburutegian hilean behin egingo diren solasaldiak.
Euskarazko lehenengo saioa otsailaren 24an izango da, eta Arantxa Urretabizkaiaren 3 Mariak liburua aztertuko da.
Hurrengoak martxoan eta apirilean izango dira:
2. saioa: martxoak 31
Jon Arretxe: Tangerko ametsak, Erein
3. saioa: apirilak 28
Lurdes Oñederra: Intemperies, Erein

Euskarazko solasaldiak Pako Aristi idazleak gidatuko ditu.
Gaztelaniaz, berriz, solasaldien gidaria Rubén Angel Arias Rueda izango da eta lehenengo saioa otsailaren 10ean izango da, bertan, Mario Vargas Llosaren La ciudad y los perros aztertuko da.
Hurrengoak martxoan eta apirilean izango dira.
2. saioa martxoaren 24an.
Juan Marsé: Un día volveré.
3. saioa apirilaren 21ean
Philip Roth: Sale el espectro
. Solasaldietan ez da ahots gorako irakurketarik egingo.

Solasaldien ezaugarriak:
. Ez da beharrezkoa izango eztabaidetan parte hartzea.
. Liburua erosi beharrik ez da izango.
. Saioak doan izango dira.
. Liburua osorik irakurri gabe izanda ere, solasaldian parte hartu ahal izango da.

Parte hartu nahi dutenek liburutegian izena eman dezakete urtarrilaren 16a baino lehen, liburutegira bertara joanda, posta elektronikoz edo telefonoz:

·biblioteka@eskoriatza.net
·943 713135

“Literaturak egiten duena pospolo maskal batek gauaren erdian soro batean egiten duena bezalakoa da. Pospoloak ez du ia argirik egiten, baina, bere inguruan zenbaterainoko iluntasuna dagoen ikusten uzten digu“. William Faulkner