Autodefentsarako aholku-tailerra emakumeentzat

Emakumeenganako Indarkeriaren Aurkako Nazioarteko Eguna dela eta, azaroaren 27an ATAMA Arte Martzial eta Borroka Kiroletako Eskolako 3 irakaslek autobabes-aholkuei buruzko bi orduko tailer bat emango dute emakumeentzat.

Tailerraren edukia honako hau izango da:

• Lehenik eta behin, genero-indarkeriak, horrelakoak erregistratzen hasi zirenetik, izan duen bilakaera aipatuko da.
• Jarraian, prebentzio-aholku batzuk emango dira: ez da beldurrez bizi behar, baina bai jakin nola saihestu arrisku-egoerak etxean, kalean, joan-etorrietan, aisialdi-guneetan…
• Eta, amaitzeko, erasoei aurre nola egin landuko da, defentsa pertsonalaren oinarri gisa: bultzadak, norbaitek heldutakoan zer egin eta kolpeak.

Tailer honetan izena emateko, deitu 943 71 31 36 telefonora edo bidali mezu bat josuvelasco@eskoriatza.eus helbidera. Epea azaroaren 25ean amaituko da. Arropa erosoa eramatea gomendatzen da.

• Eguna: azaroak 27
• Lekua: frontoia, ATAMAren lokala
• Ordua: 18:30
• Instruktoreak: Leire Rato, Argitxu Zubillaga eta Ariane Piñero