Bideo-jokoen programaziorako tailerra

2017 / 02 / 15

Martxoaren 5erako eta 12rako, biak ere igandeak, bideo-jokoen programaziorako tailer bat antolatu du Eskoriatzako Udalak 8 eta 12 urte bitarteko haurrentzat (LH3-LH6).

Tailer honetan bideo-jokoen programazioko pieza desberdinak ikasiko dituzte haurrek: pantaila interaktiboaren funtzionamendua, objektuak erabiltzen eta objektuei mugimendua ematen.

Saioak igande arratsaldetan izango dira, 16:30etik 19:30era. Modu ludikoan egingo dira, helburua haurrek ondo pasatzea baita.

Tailerrean parte hartzeko izen-ematea otsailaren 16tik martxoaren 3ra izango da.

  • Emailez: gazteria@eskoriatza.eus helbidean.
  • Kultur Etxean: astelehenetik-ostiralera, 9:00-14:00
  • Telefonoz: 943714688

Tailerraren prezioa 10 eurokoa da, eta lehen saioan ordaindu beharko da. Saioak bibliotekan izango dira, ume bakoitzak ordenagailu bat erabili ahal izateko