Eskoriatzarron mugikortasunaren azterketaren bigarren saioa

Debagoiena 2030k urte hasieran abiatu zuen Eskoriatzako mugikortasuna sakon aztertzeko prozesua. Lehenengo pausua diagnostikoa egitea izan zen egungo egoera eta erronkak identifikatzeko. Horretarako, lehen saio bat egin zen, ezinbestekoa baitzen herritarren eta eragileen ikuspegia, esperientzia eta iritzia jasotzea.

Fase hau burututa, egin den diagnositik abiatu eta Ingartek enpresak txosten bat egin du mugikortasuna hobetzeko ezar daitezkeen irtenbide potentzial eta neurriekin. Eta hauek guztiak aztertu eta eztabaidatzeko saio berri bat egingo da ekainaren 18an, 18:00etan, Kultur Etxean.