Euskararen C1 mailako azterketa prestatzeko ikastaroa irailean
2023 / 06 / 14
EGA izenez ezagutzen zen eta Europako Erreferentzia Marko Estandarrean C1 maila parekatzen duen euskara-azterketa prestatzeko ikastaro trinkoa eskainiko da Leintz Udal Euskaltegian aurtengo irailean.
Batxilergora arteko ikas-prozesu osoa euskaraz egin duten ikasleek euskarazko B2 mailaren egiaztagiria jasotzen dute. Baina aisialdian aritzeko nahiz lan munduko lanpostu askotarako euskara maila bat gehiago egiaztatzea eskatzen da, hain zuzen ere C1 maila, eta jakinik gazte askok maila hori egiaztatzetik gertu egon arren egiaztatu barik dutela, azterketa prestatzeko ikastaro trinkoa egingo du Leintz Udal Euskaltegiak.
Ikastaroa irailean
Azterketaren idatzizko zatia urria hasieran izango denez, prestakuntza ikastaroa irailean egingo da.
- NOIZ: Irailaren 4tik 30era
- ORDUTEGIA: 2 aukera
- PREZIOA: 60 euro
- Taldea osatzeko gutxieneko ikasle kopurua beharko da: 7
Idatzizko azterketa gaindituz gero, nahi dutenek, ahozkoa prestatzeko ikastaro berezia egin ahal izango dute.
Izena-ematea
Ekainaren 23an izango da izena emateko azkeneko eguna, baina kontuan izan behar da plaza kopuru mugatua dela eta izena ematen den ordena errespetatuko dela taldea sortzeko. Izena emateko nahiz bestelako informazioa jasotzeko deitu edo idatzi honako hauetara:
- H@ZI – 943 71 44 07 – hazi@eskoriatza.eus – 636 78 59 71
- Leintz Udal Euskaltegia – 943 79 21 68 – idazkaritza@udaleuskaltegia.eus – 635 75 24 77
