KORRIKAn udalaren lekukoa udal euskaltegiko ikasleek eramango dute

HARRO HERRI lelopean iritsiko da Korrika larunbat goizaldean Eskoriatzara, eta herriko hainbat elkarte eta talde arduratuko dira Euskal Herria zeharkatzen duen lekukoak Eskoriatza ere zeharkatu dezan. Hona hemen parte-hartuko duten elkarteen zerrenda eta bakoitzak lekukoa non jasoko duen:

2241.Km – Zarimutz – Santa Kolunba Ermita: GOIENA KOMUNIKAZIO TALDEA
2242.Km – Santa Kolunba Ermita – Kuatruena: AXTROKI MERKATARI ELKARTEA
2243.Km – Kuatruena – Aingeruguarda: ESKORIATZAKO  UDALA
2244.1 Km – Aingeruguarda – Harrizko etxea: ATXORROTX KULTUR ELKARTEAK
2244.2 Km – Harrizko etxea – HUHEZI: HUHEZI
2244.3 Km – HUHEZI – Herriko plaza: ARIZMENDI IKASTOLA
2245.1 Km – Herriko plaza – Luis Ezeiza: OLAZAR JUBILATU ELKARTEA
2245.2 Km – Luis Ezeiza – Biribilgunea (AP-1): LUIS EZEIZA HERRI ESKOLA
2245.3 Km – Biribilgunea (AP-1) – Hurrengo biribilgunea: EH BILDU
2246.Km – Hurrengo biribilgunea – Muga: FAGOR EDERLAN

Eskoriatzako Udalak, baina, Leintz Udal Euskaltegian euskara ikasten ari diren 4 eskoriatzarren esku utziko du lekukoa eramateko ardura, egiten ari diren lana aitortzeko asmoarekin. 4 ikasleak honako hauek dira: Aritz Uribarri, María Flores, Eva María Anaya eta Jose Antonio Lorente.

Egitaraua

Korrika ofizialari ongi-etorri beroa emateko asmoarekin, Korrika batzordeak honako egitaraua prestatu du ostiralerako:

• 10:30 – Korrika txikia, herrian zehar
• 17:00 – Eskulanak, plazan (Tortolis ludotekak antolatuta)
• 17:00 – Gaztelekuan: graffitia eta merendola
• 18:30 – BURUHANDIAK
• 19:30 – TRIKI-KALEJIRA
• 21:30 – Afaria ZUK EKARRI, ZUK JAN, (Mahaia erreserbatzeko 636 78 59 71)
•                  FURGOFARRA janari-furgoneta plazan egongo da
• 23:00 – ELEKTROTXUFLA, plazan
• 02:37 – KORRIKA Leintz Gatzagatik behera sartuko da Eskoriatzara