Liburutegia, ekainaren 15etik aurrera martxan
2020 / 06 / 14
Eskoriatzako Udal Liburutegia ekainaren 15etik (astelehena) aurrera jarriko da martxan Covid-19ra egokitutako araudi berriarekin, eta hala erabiltzaileek zein langileek hedapen-arriskua murrizteko ezarri diren segurtasun-neurriak bete beharko dituzte.
Liburutegiko esparruak eta aldizkari eta egunkarien guneak itxita egongo dira oraingoz, eta erabiltzaileek mailegua eta liburuak itzultzeko zerbitzua bakarrik erabili ahal izango dute.
Liburu bat nahi dutenek eskuragarri dagoen liburuen katalogoa kontsultatu ahal izango dute webgune honetan. Han ikus daitezke bibliotekan dauden liburuak, eta bertara joan aurretik mailegua eskatu beharko dute honako bide hauetako bat erabiliz:
- Telefonoa: 943 713 135
- Posta elektronikoa: biblioteka@eskoriatza.eus
- WhatsApp: 674 111 955
Segurtasun neurriak
Eskuak desinfektatzea, maskarak erabiltzea eta segurtasun-distantzia mantentzea nahitaezkoak izango dira. Hartara, sarreran gel hidroalkoholikoa egongo da, sartutakoan eskuak garbitzeko. Momentuz, liburutegiko komunak itxita egongo dira.
Liburuak itzultzea
Normaltasun berri horren ezaugarrietako bat liburuak liburutegira itzultzean jarraituko den protokoloa da. Itzulitako materiala manipulatu aurretik 14 egunez erretiratuta egongo da. Horrela bermatzen da liburutegitik mailegurako ateratzen diren materialak desinfektatuta daudela.
Liburutegiaren ordutegia
Jendaurreko ordutegia 10:30-13: 00 eta 16:30-20: 00 izango da astelehenetik ostiralera.
