Ostiral arratsaldean errepidea moztuko da erdigunean

Bihar, martxoak 23, Arizmendi ikastolak antolatutako Kross solidarioa egingo da Eskoriatzan, Baionako Etxepare Lizeoaren alde. Krossa plaza, San Juan kale eta Aranburuzabala bitartean egingo da eguerdiko 14:00ak eta 19:00ak bitarte, beraz erdiguneko trafikoan hainbat aldaketa egin beharra egongo da, eta hauek izango dira aldaketa nagusiak:

• 14:00 – 19:00 bitartean Antsoategiko biribiletik Arbiñosteko bidegurutzera bitarteko erdiguneko errepidea autoen trafikorako itxita egongo da.
• 14:00 – 19:00 bitartean Bolibarko errepidea ere, kale nagusitik Dorletako bidegurutzerainoko bide zatian hain zuzen, autoen trafikorako itxita egongo da.
• Autobusetan ez da inolako aldaketarik egingo, betiko lekuan eta betiko orduetan hartu ahal izango dira.
• San Juan kalea, Hidalga eta Jose Aranan garajea daukaten erabiltzaileei eskatzen zaie 14:00-19:00 bitartean garajeetatik autorik ez atera eta sartzeko. Larrialdi edo derrigorrezkorik gertatuko balitz, antolatzaileekin hitz egin beharko dute lasterketa arteko tartean maniobra egin ahal izateko.

Zalantzak edo bestelakoak argitzeko: 943 71 45 32 (udaltzaingoa)

Krosaren ordutegia

• 14:20 –  Ikasleen kross-a.
• 15:30 –  Karaokea
•  16:30 –  Jolasak, eskulanak eta tailerrak
•  17:30 –  Ekitaldi nagusia
•  18:00 – Herri krossa. Dorsala 1 €.
•  18:30 – Kalejira, Arizmendi eta Etxepare ikastoletako ikasleak elkarrekin sortutako animazioan.