Prestakuntza digitala izateko ikastaroa

Europar Batasuneko NextGeneration funtsak lagunduta, Aretxabaletako Lanbide eskolan gaitasun digitalak hobetu nahi dituzten pertsonentzako ikastaroa eskainiko da. Guztira 8 orduko ikastaroa izango da, doan emango dena. 

Ikastaro honen helburua parte-hartzaileei tresna praktikoak ematea da, ezinbesteko zerbitzuetara sartzea ahalbidetzeko, gizarte digitalean parte-hartzeko eta lan-esparruan aukera gehiago izateko. Prestakuntza hau aukera bikaina izan da gizarteratzea indartzeko eta gure inguruan dagoen arrakala digitala murrizteko.

Ikastaroak egunerokoan erabilgarri eta praktikoak diren alderdiak landuko ditu, hala nola:

• Ziurtagiri digitalen erabilera administrazio publikoarekin, osakidetzarekin etab. izapideak egiteko.
• Interneten bidez erosketak modu seguruan egiteko aholkuak.
• Gailu elektronikoak ahalik eta gehien aprobetxatzeko moduak.
• Adimen Artifizialaren erabilera irudiak, bideoak, audioak etab. sortzeko.

Horrez gain, ikastaroen edukiak taldearen beharretara egokituko dira, parte-hartzaileek modu pertsonalizatuan ikasi ahal izateko. Prestakuntzaren ezaugarriak hauek dira:

• Ikasle kopurua talde bakoitzeko: gutxienez 10 eta gehienez 15.
• Plaza kopurua: 60.
• Ikastaroaren tokia: Aretxabaletako Lanbide Eskola.
• Iraupena: 8 ordu.
• Ordutegiak:
  • Goizez (9:30 – 13:30).
  • Arratsaldez (15:30 – 19:30).
• Egunak: aste batean 2 egunetan emango da:
  • Urriak 28-29 (astelehena – asteartea).
  • Urriak 30-31 (asteazkena – osteguna).
• Izen-ematea:
  • Deitu 943322808 zenbakira.
  • Bidali mezu bat 688745238 zenbakira.
  • Bete formularioa.