Udaleku irekietan izena emateko epea zabalik

Zabalik dago dagoeneko 2018ko udaleku irekietan izena emateko epea. Interesdunek apirilaren 25era izango dute izena emateko aukera.
Tortolis ludotekan egin ahal izango da arratsaldeko 17:00etatik 19:00etara, edo goizetan Kultur Etxean 10:00etatik-14:00etara.

Udaleku irekiak aurten, uztailaren 3tik 20ra izango dira. Egitasmoa 3-12 urte bitarteko haurrei zuzenduta dago, eta programazio parte-hartzaile eta dinamiko baten bitartez l Eskoriatzako haurrek uztailean ondo pasatzeko aukera eskaini nahi da, bertako bazterrak ezagutuz,txangoak eginez, ikastetxe desberdinetako haurrak elkartuz eta beraien artean euskararen erabilera sustatuz.

Udalekuetako ordutegia goizez 10:00tik 13:00etara eta arratsaldez 15:00tik 17:00etara izaten da.

Hona hemen tarifak:

• Haur bat: 60 €
• Bi haur: 110 €
• Hiru haur: 150 €
• Lau haur: 180 €