Musika eta dantza eskolan izena emateko epea zabalik dago

Beheko Errota musika eskolak ikasturte berrirako matrikulazio epea ireki du. Maiatzaren 4tik 19ra ofizinan bertan egin daiteke, eta data horretatik aurrera emailez.

• Telefonoa: 943 714 995
• Emaila: musikesko@hotmail.com

Honako datu hauek eman behar dira matrikula egiteko:

• Izen-abizenak
• Adina
• Izena eman nahi duzun irakasgaiak
• Harremanetarako telefonoa

Musika eskolan eskaintza handia dago 4 urtetik aurrera, eta ez bakarrik haurrentzat, baita helduentzat eta jubilatuentzat ere. Inoiz ez da berandu musikarekin hasteko, eta gogoa eta esfortzua jartzen dion edonork oso emaitza onak lor ditzake.

Ikastaroak: txistua, musika tailerra, dantza, kantua, pianoa, klarinetea, saxofoia, flauta, biolina, biolontxeloa, tronpeta, tronboia, tronpa, akordeoia, gitarra klasikoa eta elektrikoa, perkusioa, bateria, musika-hizkuntza eta koroa.