Mari, Tartalo, Basajaun, Sugaar, Gaueko…eta nola ez, Olentzero eta Mari Domingi izango dira protagonistak Eskoriatzako Ibarraundi museoan egongo den euskal mitologiari buruzko erakusketan: “Baso guztien barnetik, uste guztien gainetik”.
Etorri euskal mundu magikoa ezagutzera: gure arbasoen iruditeria osatu zuten eta oraindik gure herriaren memorian bizirik dirauten erraldoi, lamia, iratxo, herensuge, sorgin eta ezinkonta ahala izaki fantastikoaren bizitokia. Erakusketa adin orotariko pertsonei zuzenduta dago; txikiak, gazteak zein helduak ongietorriak izango dira.
Abenduaren 11tik 30era zabalik egongo da Ibarraundi museoan (abenduak 24 eta 25 itxita).
Abenduak 11, 12, 13, 14, 15, 18, 19, 20 eta 21
Abenduak 16, 17, 22, 23, 26, 27, 28, 29 eta 30
Sarrera doan izango da eta ez da aldez aurretik hitzordua hartu behar.
