Energia komunitatea sortzeko bilera

Eskoriatzako Energia Berriztagarrien komunitateak, Energia Komunitate bat sortzeko bilera-merienda batera deitu ditu herritarrak.

Komunitate energetikoa, pertsona, etxe, enpresa edo erakunde talde bat da, iturri berriztagarrietatik energia sortzeko, kontsumitzeko eta, sarritan, partekatzeko elkartzen dena, elkarlanean eta modu iraunkorrean. Erregai fosilekiko mendekotasuna murrizteko eta klima-aldaketa arintzeko helburu komunak bultzatzen ditu komunitate horiek, energia-iturri garbiak eta berriztagarriak erabiltzen baitituzte, hala nola eguzki-energia, energia eolikoa, hidraulikoa edo biomasa.

Komunitate energetiko batean, kideek askotan eguzki-panelak, turbina eolikoak edo energia berriztagarriko beste instalazio batzuk instalatzen dituzte eraikin komunitarioetan edo beren jabetzetan. Sortutako energia tokiko energia-beharrak asetzeko erabiltzen da.

Komunitate horiek, herritarren parte-hartzea sustatzen dute, herritarrak ahalduntzen dituzte eta energia-independentzia sustatzen dute. Gainera, baliabideak eta ezagutzak partekatzean, energia-komunitateko kideek energia-kostuak aurreztu ditzakete, eta energia berriztagarriek klima-aldaketaren aurkako borrokan duten garrantziaren gaineko kontzientzia sustatu.

Eskoriatzan horrelako komunitate bat martxan jartzea merezi duela uste eta babesa adierazi nahi duenak edota ekimen hau bultzatu nahi duenak, Aste Berdearen baitan antolatutako bilera honetan dauka aukera. Parte hartu nahi duen orok, formakuntza bat jasotzeko aukera izango du, Komunitate Energetikoaren ingurukoak ikasteko.

• Eguna: Urriak 24, asteartea
• Ordua: 18:30-20:00
• Lekua: Ibarraundi museoa

Interesa eduki baina bilerara gerturatu ezin den norbait balego, eskoenergia.komunitatea@gmail.com helbidera idatz dezake.