Kulturako dirulaguntzak eskatzeko epea zabalik
2024 / 03 / 25
2024ko martxoaren 21ean argitaratu da Gipuzkoako Aldizkari Ofizialean Eskoriatzan egingo diren kultur programetarako eta jardueretako dirulaguntzak emateko oinarriak. Oinarri horien arabera, honako hauek dira dirulaguntza jaso dezaketen ekintzak:
- Herriko kultura sorkuntza bultzatzeko programa edo jarduerak.
- Ondorengo programa eta jarduerak sustatzekoak: musika, dantza, antzekia, folklorea, arte plastikoak, ikus-entzunezkoak, argitalpenak eta abar.
- Gazteetzako antolatutako jarduerak.
- Euskal historiaren eta kulturaren balore propioak transmititzeko programak edota jarduerak, bereziki eskoriatzarrenak.
- Euskaraz edo euskararen erabilera sustatzeko programak edo jarduerak.
Zeinek eskatu dezake?
- Erakundeek: hau da ofizialki inskribatuta dauden elkarteek
- Pertsona fisikoek: 18 urtetik gorako eskoriatzarrek
Dirulaguntza eskatzeko moduak eta epeak
Eskaerak sinatuta, eredu normalizatuaren arabera eta dagokien dokumentazioarekin batera, modu presentzialean edo telematikoan aurkeztu beharko dira apirilaren 22a baino lehen.
- Elkarteek eskaerak telematikoki aurkeztu beharko dute, eguneko 24 ordutan, asteko 7 egunetan, Eskoriatzako Udalaren egoitza elektronikoan (HEMEN).
- Pertsona fisikoek, eskaera presentziala egiteko aukera izango dute, astelehenetik ostiralera, 9:00etik 14:30era udalaren H@ZI zerbitzuan. Nahi izanez gero, pertsona fisikoek ere erabili dezakete goiko esteka, eskaera online egiteko
Dokumentazioa
Eskatzaileek ondorengo dokumentuak aurkeztu beharko dituzte:
- Dirulaguntza eskaera orria
- Diruz laguntzea eskatzen den programa edo jarduera azaltzeko txostena
- Aurrekontua
Oharra
Tramitazioa errazteko, dirulaguntza eskatu nahi duten taldeek edo pertsonek hitzordua eska dezakete, dirulaguntza honi buruzko xehetasunak jasotzeko. Hitzordua eskatzeko:
- H@Zi – 8:00 – 14:30 (apirilaren 2tik 5era 9:30 – 13:00)
- 943 71 44 07
- hazi@eskoriatza.eus
