Mugiment Pausu Erronka ekimena Eskoriatzan

2025 / 05 / 14

Maiatzaren 19tik ekainaren 8ra bitartean ospatuko da Mugiment Pausu Erronka, EAEko Jarduera Fisikoaren Orientazio Zerbitzua (JFOZ) duten 50 udalerrien arteko lehiaketa birtuala. Helburua argia da: herritarrek egunerokoan ahalik eta pauso gehien ematea, osasun fisiko eta emozionala hobetzeko eta jarduera fisikoaren kultura bultzatzeko.

Erronka Wellk mugikorreko aplikazioaren bidez garatuko da, eta parte-hartzaile bakoitzak bere udalerriko orientazio zerbitzuarekin bat eginez parte hartuko du. Taldekako eta banakako sailkapenak egongo dira ikusgai denbora errealean, eta hainbat sari banatuko dira parte hartzaileen artean.

Nola parte hartu?

  1. App-a deskargatu: Wellk aplikazioa instalatu Android edo iOS gailuetan.
  2. App-an izena eman
  3. Talde batera batu: Erronka atalean> Taldeak> Talde batera batu> “Mugiment Pausu Erronka” ligan, nahi duzun udalerria aukeratu.
  4. Pausuak erregistratu: zure eguneroko jardueran pausoak automatikoki kontatuko dira.Horretarako hemen argibideak sinkronizazioak egiteko: www.wellk.eus

Nork har dezake parte?

14 urtetik gorakoek parte-hartu dezaket eta parte-hartzaile bakoitzak bere udalerriko orientazio zerbitzuaren bat egin beharko du aplikazioaren bidez. Parte-hartzaileen pausuak modu indibidualean erregistratuko ditu, baina lehiaketan udalerrika parte-hartuko du, udalerriko guztiek egindako pausuak batuta.

Sariak

  • Banakako sariak: 75€-ko opari-txartelak, pausu gehien eman dituzten emakume eta gizonentzat (desgaitasuna duten pertsonentzako kategoria bereziarekin).
  • Taldekako sariak: Udalerri bakoitzak egindako pausuak/taldeko partaide kopurua. Pausu gehien eman dituzten udalerri horretako 5 pertsonei eta beste 5 sari udalerriko taldekideen artean zozketa.

Informazio gehiago