Garapen bidean dauden Herrialdeekiko Lankidetza Programako diru laguntzak (2020)-. Deialdia indarrik gabe geratu da.

Garapen Bidean dauden Herrialdeekiko Lankidetza Programako 2020ko dirulaguntzak emateko deialdi publikoa egiten zuen  Alkate erabakia argitaratu zen 2020ko martxoaren 20an Gipuzkoako Aldizkari Ofizialean (54 zenbakia).

Gaur egun, gauden egoeran, ezinezkoa da aurreikusitako  hainbat gastu konpromisoei aurre egitea ondorengo arrazoiengatik:

• Osasunaren Mundu Erakundeak (OME) Covid-19k osasun publikoan eragindako larrialdi egoera nazioarteko pandemiatzat jo zuen martxoaren 11n. Aurrerago, alarma-egoera deklaratu zen Espainiako estatu osoan Covid-19k sortutako osasun-krisia kudeatzeko.
• Ordutik, egoerak okerrera egin du, bai Euskadin, bai gure inguruan, eta nabarmen igo da kaltetuen kopurua. Hasiera batean osasun-krisia izan zena, krisi ekonomiko eta sozial ere bihurtu da. Salbuespenezko egoera horren ondorioz, erakundeek aparteko neurriak hartu behar izan dituzte herritarren eta enpresen zailtasunak arintzeko eta, bereziki, pertsona zaurgarrienen eskubideak babesteko.
• Horrela, krisiak eragindako jarduera ekonomikoaren geldialdiak eta administrazio publikoek larrialdiari aurre egiteko hartutako neurriek beherakada handia eragin dute zerga-bilketan.
• Covid-19k ezohiko egoerara eraman du udal hau 2020an, benetako diru-bilketak ez baitu zerikusirik bere garaian egindako aurrekontu-aurreikuspenekin.

Aurreko dena kontutan izanda, erabaki da indarrik gabe uztea  garapen bidean dauden herrialdeekiko lankidetza programaren barruan 2020rako dirulaguntzak emateko deialdi publikoa.

GAO iragarkia(2020-05-29)Deialdia indarrik gabe geratu da

GAO iragarkia (2020-03-20)

Eskaera orria

I eranskina

II. eranskina

III. eranskina

IV. eranskina