Landa auzoetan jarduera sozioekulturala edo ekonomikoa dinamizatzeko dirulaguntzak

Eskoriatzako elizateetako jarduera soziokulturala eta ekonomikoa dinamizatzeko dirulaguntzak emateko oinarriak argitaratu dira Gipuzkoako Aldizkari Ofizialean, eta ondorioz, laguntzak eskatzeko epea zabalik dago.

• Helburua: Eskoriatzako landa-bizitza garatzen edota mantentzen lagunduko duten jardueretarako diru laguntzak ematea.
• Onuradunak: Eskoriatzako landa-auzoetako auzo-elkarteak.
• Diruz lagunduko diren gastuak:
  • Elizatean edo auzoan auzo-harremanak sustatzeko balio duten jarduera soziokulturalak antolatzeak sortutako gastuak: ikuskizunak, kontzertuak, tailerrak, topaketak… eta horrelako ekintzekin lotuta egon daitekeen beste edozein gastu.
  • Auzoko bizikidetza-espazioak hobetzeko, apaintzeko edo edertzeko jarduera txikiek eragindako gastuak: lorategiak, espazio komunak, bidezidorrak eta abar konpontzea.
• Eskatzeko azken eguna: 2026/10/20

Dirulaguntza honi buruzko zehaztasun guztiak webgune honetan kontsultatu daitezke.