Establezimenduen errotulazioa eta irudi korporatiboa euskaraz jartzeko laguntzak (2024)

Dirulaguntza deialdi honetan herriko saltoki, ostalaritza-establezimendu eta enpresetan errotuluak eta irudi korporatiboa euskaraz jartzeko laguntzak ematen dira, honako bi eremu hauetan:

• Errotuluak jartzea: errotulotzat hartuko dira fatxadan nahiz merkatal edo ostalaritza establezimenduaren ate eta kristaletan jartzen direnak.
• Irudi korporatiboa hobetu eta sustatzea: irudi korporatiboko elementuak izan daitezke toldoak, bisita txartelak, zigiluak, fakturak, ibilgailuen errotulazioak, poltsak eta batzeko paperak edo antzeko elementuak.

OINARRIAK eta DEIALDIA (GAO – 2024/06/03)

OINARRIAK (PDF)

39/2015 Legearen 14.artikuluan xedatutakoaren arabera, pertsona juridikoek administrazio publikoekin harremanak bitarteko elektronikoen bitartez izateko betebeharra dute. Hori horrela, eskaera eratutako elkarte baten izenean eginez gero, online esteka bitartez egin beharko da.

Informazio gehiago

• H@ZI – udaletxea: Astelehenetik ostiralera 8:00 – 14:30

• Eskaera orria. Orrian bertan aitortu beharko ditu honako hauek (onartu ezean, horiei buruzko dokumentazio espezifikoa aurkeztu beharko du)
  • Zerga-betebeharrak eta Gizarte Segurantzarekiko egunean dituela.
  • Ez duela hasita edo tramitean administrazioari dirua itzultzeko inolako prozedurarik.
  • Ez duela jarduera bererako beste dirulaguntzarik eskatu.
  • Ez duela sexu-diskriminazioagatik edo emakumeen eta gizonen berdintasunaren arloan indarrean dagoen eta aplikatu beharrekoa den araudia urratzeagatik administrazio-zigorrik, ez zigor penalik.
  • Bere xede edo helburuak ez direla emakumeen eta gizonen aukera-berdintasuneko printzipioaren kontrakoak.
  • Ez duela dirulaguntzei buruzko azaroaren 17ko 38/2003 Legearen 13.2 eta 13.3 ataletan jasotako debekurik (Estatuko Boletin Ofiziala 2023ko azaroaren 18a)
• Jarriko den errotuluaren edo egingo den elementuaren testu eta diseinu proposamena. Dagoeneko errotulua jarrita edo elementua eginda badago, haren argazkia edo dagokion kasuan, irudi korporatiborako hobetzeko dirulaguntza eskatu denean, sortutako materialaren (orrien, txartelen, poltsen…) ale bana.
• Gastuaren aurrekontua edo faktura (gastua eginda dagoenean).

Eskoriatzako Udalak zuzenean eskatuko dizkie beste administrazio batzuei eskatzaileak zerga-betebeharrak eta Gizarte Segurantzarekikoak bete dituela egiaztatzeko behar diren datuak. Eskatzailea horren aurka agertzen bada eskaera-orrian, zerga-betebeharrak eta Gizarte Segurantzarekikoak egunean dituela egiaztatzen duten agiriak aurkeztu beharko ditu.

Era berean, eskatzaileak errotulua jartzeko baimena baduela egiaztatuko da Eskoriatzako Udalean bertan.