Zaharren egoitza

Adinekoei ostatua, mantenua eta zaintza orokorra eta jarraitua eskaintzen dizkieten zentroak dira.

Honako zerbitzu hauek eskaintzen dituzte:

• Ostatu-zerbitzua.
• Zaintza pertsonaleko eta banakako laguntza.
• Arreta medikoa eta erizaintza.
• Zerbitzu psikosozialak.

Zerbitzu Psikosoziala

Eskuhartze psikosozialeko programak garatzen dira egoiliarren alor kognitibo, psiko-afektibo eta harremanak ondo mantentzeko edo hobetzeko, eta senideei aholkularitza eskaintzen zaie prebentzio programen bitartez.

Osasun arreta eta zaintza zerbitzua

Egoiliarren osasun beharrak artatzen dira.  Bakoitzak dituen  gaixotasunen jarraipena egiten da, eta aldi berean beharrezkoak diren zainketak antolatzen dira. Eguneroko ekintzetan beharrezko laguntza eman eta larrialdi egoerak kudeatzen dira.

Zerbitzu mediko presentziala dago astearteetan eta asteko gainerako egunetan telefono bidezko arreta eskaintzen da; erizaintza-zerbitzua astelehenetik ostiralera dago, eta fisioterapia zerbitzua ere eskaintzen da astelehen, asteazken eta ostiraletan.
Erizaintza laguntzaileen zerbitzua egunero eguneko 24 orduetan eskaintzen da, eta zerbitzuak gainbegiratzen dira.

Eskaerak

Eskoriatzako Udaleko Gizarte Zerbitzuetan tramitatzen dira.  Tfnoa.: 943 71 44 07.

INFORMAZIOA