Uraren ziklo osoaren zerbitzua arautzeko Gipuzkoako Ur Kontsortzioaren ordenantza proiektua

• Instalazioak berriztea eta enpresa espezializatuek egitea mantentze-lanak.
• Mantentze-lanen kostua merkatzea.
• Uraren kostua mantentzea.
• Inbertsio handiagoak egitea.
• Kudeaketa profesionalizatzeak herritarrekin harreman hobea izatea ekarriko du.

• Eskoriatzako Udala Gipuzkoako Ur Kontsortzioaren barruan dago, eta Toki Araubidearen Oinarriak arautzen dituen 7/1985 Oinarrizko Legeak aukera ematen die udalei ur eta saneamendu zerbitzuak partzuergoan emateko.
• Udala interesatuta dago saneamendua eta ur-hornidura, baita sare horietan egin beharreko inbertsioak ere, Gipuzkoako Ur Kontsortzioaren bitartez egin daitezen.

Gipuzkoako udalerri askok bultzatuta, 1990ean sortu zen Gipuzkoako Ur Kontsortzioa, ur-azpiegituren sare berri eta moderno bat eraikitzeko asmoz Europako kanonen arabera eta ingurumena erabat errespetatuz: ura biltegiratzeko sistemak, edateko uren araztegiak (EUA) eta hondakin-uren araztegiak.

Gaur egun, Gipuzkoako Ur Kontsortzioa, elkarte-oinarriko erakunde publikoa, gure lurralde historikoko 50 udalerrik baino gehiagok osatzen dute, horien artean Eskoriatzakoak. Eskoriatzan, uraren goi horniduraren kudeaketaz arduratzen da, eta honako hauek hartzen ditu: ura urtegian biltegiratzea, EUAra eramatea, EUAn edateko ur bihurtzea eta udal ur-biltegietara banatzea.

Eskoriatzako Udalak prozesua hasi du Gipuzkoako Ur Kontsortzioak egin dezan uraren zikloaren kudeaketa integrala (ur beltzen hornidura eta saneamendua). Mandatu horrek bi sareen kudeaketa hartzen du bere baitan, “goikoa” eta “behekoa”, eta baita beharrezko inbertsio guztiak Gipuzkoako Ur Kontsortzioak egitea ere.

Uraren ziklo integralaren kudeaketa Gipuzkoako Ur Kontsortzioaren esku uzteak onura hauek ekarriko dizkio Eskoriatzako Udalari:

• Uraren ziklo osoaren kudeaketa integrala eta iraunkorra.
• Abonatu gehienek ordaindu beharreko tarifa murriztea.
• Zerbitzu-sareak hobetzeko milioi bat euroko inbertsioa.
• Lehen fasea garatu ahal izateko  proiektua idaztea: zerbitzu-sare berria Marin eta Zarimutz elizateetan.
• Erabiltzailearentzako 24/365 arreta-zerbitzua, arreta-bulego birtuala.-
• Zerbitzuaren gorabeherei hobeto erantzutea.

Lehenengo urratsa URAREN ZIKLO OSOAREN ZERBITZUA ARAUTZEN DUEN GIPUZKOAKO UR KONTSORTZIOAREN ORDENANTZA onartzea da, horren helburua izanda  Gipuzkoako Ur Kontsortzioaren eta ur zerbitzura abonatutakoen arteko harremanak arautzea, alderdi bakoitzaren oinarrizko eskubideak eta betebeharrak adierazita

Kasu honetan, ordenantza bat onartzea litzateke neurririk egokiena Gipuzkoako Ur Kontsortzioaren eta ur zerbitzura abonatutako pertsonen arteko harremanak arautzeko.